Научно-практическая конференция «Культура народа - багацце душы»

На Беларусі 2016 год аб’яўлены Годам культуры. Развіваючым цэнтрам № 2 (кір. Гузарэвіч Н.А.) 28 лістапада была праведзена навукова-практычная канферэнцыя “Культура народа – багацце душы”.

У актавай зале каледжа была арганізавана выстава твораў народнага мастацтва, гучала беларуская народная музыка.

Пачалася канферэнцыя з выступлення навучэнак групы Ш-32 Івановай Н. і Тыцык В. (кір. Валіахметава А.П.) на тэму “Асаблівасці старажытнага беларускага адзення” (на прыкладзе твораў У. Караткевіча). Цікавымі і арыгінальнымі былі  даследаванні Кулік К., навучэнкі групы Ш–21 (кір. Шастаковіч Т.В.), на тэму “Лялька з бабулінага куфра” і Самуйлік Ю., навучэнкі групы Ш–31 (кір. Навумчык Т.В., Ботвіч Л.В.), на тэму “Роспіс агоўскага сундука”. Выкладчык каледжа Савіч Т.А. паведаміла аб выніках свайго даследавання на тэму “Біблейская фразеалогія ў сучасным маўленні беларусаў”. Навучэнка групы Ш–31 Фалалеева В. (кір. Гузарэвіч Н.А.) пазнаёміла з вынікамі даследавання на тэму “Адносіны малодшых школьнікаў да вывучэння беларускай мовы”.

Удзел у канферэнцыі прыняла навучэнка каледжа мастацтваў Кудзеліч К. (кір. Саўчук Т.В.) на тэму “Тапонімы Брэсцкай вобласці”. Вынікі канферэнцыі падвяла нам. дырэктара каледжа па вучэбнай рабоце Дубінецкая А.М. Сакратар БРСМ Піліпцэвіч І.А. уручыла маладым навукоўцам каштоўныя падарункі. Актыўнасць удзельнікаў канферэнцыі паказала, што навучэнцы каледжа шануюць беларускую культуру, з павагай ставяцца да гісторыі роднага краю, імкнуцца да яе вывучэння, каб перадаць падрастаючаму пакаленню.